به‌غدا، ٢٢ی كانونی دووه‌می ٢٠١٨: له‌ ئێستادا بەڕێز میرۆسلاڤ جێنكا، یاریده‌ده‌ری سكرتێری گشتیی بۆ كاروباری سیاسی، به‌ سه‌ردانێكی ٣ رۆژه‌ له‌ عیراقه‌ و دوێنێش ( ٢٢ كانونی دووه‌م) له‌گه‌ڵ به‌ڕێز حه‌یده‌ر عه‌بادی، سه‌رۆك وه‌زیرانی عیراق و به‌ڕێز ئوسامه‌ نوجه‌یفی، جێگری سه‌رۆك كۆمار و به‌ڕێز سه‌لیم جبوری، سه‌رۆكی په‌رله‌مان و ده‌سته‌ی تازه‌هه‌ڵبژێردراوی كۆمیساران كۆبووه‌وه‌. ئه‌وان له‌ كۆبوونه‌وه‌كانیاندا باسیان له‌وه‌ كرد كه‌ چۆن نه‌ته‌وه‌ یه‌كگرتووه‌كان بتوانێت به‌ باشترین شێوه‌ هاوكاری عیراق بكات به‌ تایبه‌تیش له‌ هه‌ڵبژاردنه‌كانی په‌رله‌مان و ئه‌نجومه‌نی پارێزگاكان له‌ ١٢ی مانگی ئایاری داهاتوودا له‌گه‌ڵ تاوتوێكردنی په‌یوه‌ندییه‌كانی هه‌ولێر و به‌غدا و ئاودانكردنه‌وه‌ و سه‌قامگیركردنی عیراق و كۆبوونه‌وه‌ی نێوده‌وڵه‌تیی كوێت بۆ ئاوه‌دانكردنه‌وه‌ی عیراق و پرۆسه‌ی ئاشته‌وایی له‌ عیراقدا.

به‌غدا، ١٥ی كانونی دووه‌می ٢٠١٨:- نوێنه‌ری تایبه‌تی سكرتێری گشتیی نه‌ته‌وه‌ یه‌كگرتووه‌كان بۆ عیراق یان كوبیش به‌توندی ئیدانه‌ی ته‌قینه‌وه‌ تیرۆریستییه‌كانی ئه‌م به‌یانییه‌ی به‌غدا ده‌كات كه‌ بوونه‌‌ مایه‌ی كه‌وتنه‌وه‌ی ده‌یان قوربانی له‌ كوژراو و بریندار.

سكرتێری گشتی به‌ توندترین شێوه‌ ئیدانه‌ی هه‌ردوو ته‌قینه‌وه‌كه‌ی ئه‌مڕۆی به‌غدا ده‌كات له‌ گه‌ڵ ده‌ربڕینی ئه‌وپه‌ڕی هاوسۆزی بۆ خانه‌واده‌ی قوربانیان و هیوای هه‌رچی زووچاكبوونه‌وه‌ش بۆ برینداره‌كان.

سلێمانی ، عیراق، ١٢ی كانونی دووه‌می ٢٠١٨:- هه‌رچه‌نده‌ كۆمیسیۆنی باڵای سه‌ربه‌خۆی هه‌ڵبژاردنه‌كان روبه‌ڕووی چه‌ندان ئاڵنكار (ته‌حه‌ددی) بووه‌ته‌وه‌ به‌ڵام توانای زاڵبوونی به‌سه‌ر ئه‌و گرفته‌كاندا هه‌یه‌ و له‌ ئه‌نجامدانی هه‌ڵبژاردنێكی پاك و بێگه‌ردیش له‌ كاتی خۆیدا له‌ ١٢ مانگی ئایاری داهاتوودا دڵنیایه‌. له‌لایه‌كی تره‌وه‌، نه‌ته‌وه‌ یه‌كگرتووه‌كان به‌ڵێنی درێژه‌دانی به‌ یارمه‌تییه‌ ته‌كنیكییه‌كانی دا بۆ ئه‌نجامدانی هه‌ڵبژاردنێكی كاریگه‌ر و بێگه‌رد كه‌ بتوانێت متمانه‌ی ده‌نگده‌رانی عیراق و سیاسییه‌كان و كۆمه‌ڵگه‌ی نێوده‌وڵه‌تی به‌ده‌ست بهێنێت.

بەغدا، ٦ی کانوونی دووەمی ٢٠١٨- بەڕێز یان کوبیش، نوێنەری تایبەتی سکرتێری گشتی نەتەوە یەکگرتووەکان بۆ عیراق، پیرۆزبایی خۆی ئاڕاستەی هاوڵاتییانی عیراقی کرد بەتایبەتی شوێنکەوتوانی ئۆرسۆدۆکسی سوری و ئۆرسۆدۆکسی رۆمانی و ئاشوری دێرینی ڕۆژهەڵات و کڵێسای ئۆرسۆدۆکسی ئەرمینی بەبۆنەی کریسمەسەوە.

به‌غدا، ٩ی كانونی دووه‌می ٢٠١٨- ئاژانسی نه‌ته‌وه‌ یه‌كگرتووه‌كان بۆ کاروباری مین (ئونماس) ده‌ستخۆشی له‌ كۆمه‌كی ١٧ ملیۆن یۆرۆی (٢٠،٢ ملیۆن دولار) حكومه‌تی ئه‌ڵمانیا ده‌كات بۆ ئه‌نجامدانی رووپێوی پاككردنه‌وه‌ی مه‌ترسی ته‌قه‌مه‌نی وه‌ك پشتگیرییه‌ك بۆ ده‌ستپێشخه‌ریی مرۆیی و سه‌قامگیركردن. تێكڕای به‌شدارییه‌كه‌ی ئه‌لمانیا به‌بڕی‌ ٤٤،٢ ملیۆن یورۆ (٥٢،٥ ملیۆن دولار) ئه‌و وڵاته‌ ده‌كاته‌ گه‌وره‌ترین كۆمه‌كبه‌خشی ئاژانسه‌كه‌ بۆ عیراق‌ له‌ساڵی ٢٠١٦ه‌وه‌.

ڕێکەوت: 27 – 12 – 2017، شوێن: بەغداد، عیراق : UNHCR ـی ئاژانسی تایبەتی نەتەوە یەکگرتووەکان بۆ کاروباری پەنابەران پێشوازی لە پاڵپشتییەکی سەربار بە بڕی (34.5) ملیۆن یۆڕۆ بۆ ساڵی (2017) و (4) ملیۆن یۆڕۆ بۆ ساڵی (2018) دەکات کە لەلایەن کۆماری فیدڕاڵیی ئەڵمانیاوە بە مەبەستی پێشکەشکردنی کۆمەك وهاوکاریی بەئاوارە عیراقییەکان دابینکراوە. بەمەش کۆی گشتیی ئەو پارەیەی بۆ ماوەی نێوان ساڵانی (2015) تا (2018) بۆ ئەم پاڵپشتییە لە وڵاتی ئەڵمانیا وەرگیراوە دەگاتە (90.5) ملیۆن یۆڕۆ.

سێ شەممە, 26 کانونی یەکەم 2017 09:54

نامەی پیرۆزبایی

بەغدا، ٢٤ی کانونی یەکەمی ٢٠١٧ – بەڕێز یان کوبیش، نوێنەری تایبەتی سکرتێری گشتی نەتەوە یەکگرتووەکان بۆ هاریکاری عیراق، گەرمترین پیرۆزبایی خۆی ئاراستەی خەڵکی عیراق دەکات، بە تایبەتی کۆمەڵگەی کریستیانەکان، بەبۆنەی یادەکانی کریسمەس و ساڵی نوێ.

ھەولێر، ١٤ی کانونی یەکەمی ٢٠١٧ ـــ فەرمانگەی نەتەوە یەکگرتووەکان بۆ کاروباری مین مەراسیمێکی سازکرد بۆ ١١ کارمەندی بواری مین لە دەزگای گشتیی کاروباری مین لە کوردستانی عیراق لەگەڵ ٨ کارمەندی تری ھاوبەشانی جیبەجێکاری دەزگاکە، پاش ئەوەی سەکۆیکارێکیان لەسەر’کارامەییە کارگێڕییەکانی ھۆشیارکردنەوە لە مەترسی ‘تەواوکرد بۆ بەھێزکردنی بەدەنگەوەچوونی ھەڕەشەکانی مەترسیی تەقەمەنی لە ناوچە ئازادکراوەکانی عیراق. مانگی تشرینی یەکەمی ڕابردوو سەکۆیکارێکی ھاوشێوە لە بەغدا بەڕێوە چوو.

به‌غدا، ٢٢ی كانونی یه‌كه‌می ٢٠١٧:- راهێنانێكی پێشكه‌وتوو بۆ به‌هێزكردنی به‌هره‌ی دانوستان و میانگیری بۆ گروپێک لە رێكخراوه‌كانی كۆمه‌ڵگه‌ی مه‌ده‌نی و ژنانی سه‌ركرده‌ له‌لایه‌ن یونامی و رێكخراوی نه‌ته‌وه‌ یه‌كگرتووه‌كان بۆ ژنانه‌وه‌ له‌ رۆژی ٢٠ی ئه‌م مانگه‌ له‌ به‌غدا کۆتایی هات به‌ بانگه‌واز بۆ زیاتر به‌شداریپێكردنی ژنان و رێكخراوه‌كانی كۆمه‌ڵگه‌ی مه‌ده‌نی له‌ ئاشته‌وایی ناو كۆمه‌ڵگا و ئاشته‌وایی نیشتمانی و رێككه‌وتنی مێژووییدا. له‌ لایه‌كی تره‌وه‌، راهێنانه‌كه‌ به‌دواداچوونێكیش بوو بۆ ئه‌و راهێنان و سه‌كۆیكاره‌ بنچینه‌ییانه‌ی كه‌ پێشتر بۆ هه‌مان به‌شدرابووان له‌ تشرینی یه‌كه‌می ٢٠١٦ ئه‌نجام درابوون. مه‌به‌ستی راهێنانه‌كه‌ ژنانی سه‌ركرده‌ بوو بۆ ئه‌وه‌ی بتوانن ببنه‌ میانگیر و ئاسانكاری كاریگه‌ر و هه‌ر‌وه‌ك چۆن چه‌قیشی خستبووه‌ سه‌ر ئه‌و رۆڵه‌ گرنگه‌ی كه‌ ژن ده‌توانێت له‌ دروستكردنی ئاشتی و دانوسان و پرۆسه‌ی سیاسیدا بیگێڕێت. پێشتریش راهێنان و سه‌كۆیكاری هاوشێوه‌ بۆ ٦٠ ژنی سه‌ركرده‌ و داكۆكیكارانی مافی مرۆڤ و ئه‌نجومه‌نه‌كانی شار و شارۆچه‌كه‌كان له‌ پارێزگاكانی میسان و كه‌ربه‌لا و نه‌جه‌ف و به‌سڕ و واسیت و بابل ئه‌نجامدرابوو.

پەڕەى 48 لەکۆى 82 پەڕەدا
© 2021 United Nations Iraq. هەموو مافەکانى پارێزراوە.