بەغدا، ٣/٤/٢٠١٨: ئەمڕۆ باڵیۆزى کۆمارى چین سەردانى نوسینگەى UNHCR ى کرد لە بەغداد بۆ بەرز ڕاگرتنى تەواوکردنى چاڵاکییەکانى پاڵپشتیکردنى ئەوپەنابەرە سوورییانەى کە لەڕێگەى کۆمارى چینەوە بە بڕى (2) ملیۆن دۆلارى ئەمەریکى پاڵپشتى دارایى کراون.

به‌غدا،عیراق ٣ی نیسان ٢٠١٨- به‌ پێی ئه‌و ئاماره‌ی ئه‌مڕۆ نێرده‌ی نه‌ته‌وه‌ یه‌کگرتووه‌كان بۆ هاریكاریی عیراق(یونامی) ‏بڵاوی كردۆته‌وه‌، له‌ دەرئه‌نجامی كرده‌وه‌ توندوتیژی و تیرۆرستی و پێكدادانی چه‌كداری كه‌ له‌ مانگی ئاداری ٢٠١٨دا ‏روویانداوه‌، ١٠٤هاوڵاتی مه‌ده‌نی عیراقی كوژراون (كه‌ پۆلیس ناگرێته‌وه‌) و ١٧٧ كه‌سی دیكه‌ش برینداربوون‎.

بەغدا، ٣١ی ئاداری ٢٠١٨ – بەڕێز یان کوبیش، نوێنەری تایبەتی سکرتێری گشتی نەتەوە یەکگرتووەکان بۆ عیراق، بەبۆنەی ئیستەرەوە ڕێز و سڵاوی خۆی دەگەیەنێتە هەموو هاوڵاتییانی عیراقی، بە تایبەتی کریستیانەکان.

بەغدا، ٢٨ی ئاداری ٢٠١٨ – بەڕێز یان کوبیش، نوێنەری تایبەتی سکرتێری گشتی نەتەوە یەکگرتووەکان بۆ عیراق، پیرۆزبایی لە پارت و کوتلە سیاسییەکانی عیراق کرد بەبۆنەی واژۆکردنی پەیماننامەی شەرەفی هەڵبژاردن لە رۆژی چوارشەممە لە بەغدا.

بەغدا، ٢٨ی ئاداری ٢٠١٨- یونامی نیگەرانی خۆی دەربارەی ئەو ڕاپۆرتانە دەردەبڕێت کە باس لە بەکارهێنانی توندوتیژی دژی خۆپیشاندەران لە هەرێمی کوردستان دەکات لەلایەن هێزەکانی ئاسایشەوە.

به‌ناوی هه‌موو كارمه‌ندانی نه‌ته‌وه‌ یه‌كگرتووه‌كان له‌ عێراق ، پێمخۆشه‌ پیرۆزبایی خۆم ئاراسته‌ی خه‌ڵكی هه‌رێمی كوردستان و هه‌موو عیراق بكه‌م به‌ بۆنه‌ی هاتنه‌وه‌ی نه‌ورۆز . نه‌ورۆز بۆنه‌یه‌كه‌ به‌ شانازییه‌وه‌ یادی كه‌لتور و ناسنامه‌ی تێدا ده‌كرێته‌وه‌ .

به‌غداد ١٢-٣-٢٠١٨: لە کاتێکدا کە عیراق خەریکە لە قەیران ڕزگاری دەبێت، ئەو خێزانانەی بەهۆی ئاڵۆزی و ململانێکانەوە زیانیان بەرکەوتووە ڕووبەڕووی ئاڵنگاری (تەحەددی) ی نوێ و جۆراوجۆر دەبنەوە. لە کاتێکدا ملیۆنان عیراقی خەریکن دووبارە ژیانی خۆیان بنیات دەنێنەوە، نزیکەی (8.7) ملیۆن کەس هێشتا پێویستیان بە کۆمەک و هاوکارییەک هەیە کە پارێزگاری لە مانەوەیان لە ژیاندا بکات. نزیکەی (2.3) ملیۆن کەس تا ئێستا ئاوارەن و زۆرێکیش لەو (3.5) ملیۆن کەسەی کە گەڕاونەتەوە شوێنەکانی خۆیان هێشتا لە دۆخێکی ناسکدا دەژین.

سلێمانی،عێراق، ١٥-١٦ی مارسی ٢٠١٨ – ئۆفیسی مافەکانی مرۆڤی سەر بە نێردەی نەتەوەیەکگرتووەکان بۆ هاریکاری عیراق (یونامی)، بەگوێرەی بەرنامەی خۆی تایبەت بە پشتگیریی تەکنیکی بۆ ڕێکخراوەکانی کۆمەلگەی مەدەنی لە هەرێمی کوردستان، "ڕاهێنانی تایبەت سەبارەت بە ئامادەکردنی ڕاپۆرتی سێبەر بۆ دەستەکانی ڕێککەوتننامەکان: پەیماننامەی سیداو" لە سلێمانی، ئەنجامدا.

به‌غدا، ١٥ی ئاداری ٢٠١٨- به‌بۆنه‌ی هاتنه‌وه‌ی جه‌ژنی برۆنایا (بەنجە)، بەڕێز یان كوبیش، نوێنه‌ری تایبه‌تی سكرتێری گشتیی نه‌ته‌وه‌ یه‌كگرتووه‌كان بۆ عیراق، پیرۆزبایی گه‌رمی خۆی ئاراسته‌ی سا‌بیئەی مه‌نداییه‌كان ده‌كات.

بەغدا، ١٣ی ئاداری ٢٠١٨ – ئەمڕۆ بەڕێز کوبیش، نوێنەری تایبەتی سکرتێری گشتی نەتەوە یەکگرتووەکان بۆ عیراق، چاوی کەوت بە ئەندامانی دەستەی باڵای سەربەخۆی هەڵبژاردنەکان لە بارەگای سەرەکییان لە بەغدا. ئەندامانی دەستەی باڵای سەربەخۆی هەڵبژاردنەکان دوایین پێشهاتەکانی پرۆسەی ئامادەسازییەکانیان بۆ هەڵبژاردنەکانی ئەنجومەنی نوێنەران خستەڕوو، کە وابڕیارە لە ١٢ی ئایاری ئەمساڵ بەڕێوەبچێت، هەروەها باسی دوواین پێشڤەچوون و ئالەنگارییەکانیان کرد. نوێنەری تایبەتی نەتەوە یەکگرتووەکان دووپاتی پابەندیی نەتەوە یەکگرتووەکانی کردەوە بۆ دابینکردنی ئامۆژگاری بەردەوام و پشتگیری و هاوکاری بۆ دەستەی باڵای سەربەخۆی هەڵبژاردنەکان و حکومەتی عیراق بۆ ئامادەکاری بۆ هەڵبژاردنەکان هەروەک لە ئەرکی یونامی دا هەیە و لەلایەن ئەنجومەنی ئاسایشی نەتەوە یەکگرتووەکانەوە پێی سپێردراوە.

پەڕەى 45 لەکۆى 82 پەڕەدا
© 2021 United Nations Iraq. هەموو مافەکانى پارێزراوە.