دوو شەممە, 31 ئایار 2021 00:00

وتاری خاتوو ئیرێنا ڤۆیاچکۆڤا – سۆلۆرانۆ ، جێگری نوێنەری تایبەتی نەتەوە یەکگرتووەکان و هەماهەنگیکاری نیشتەجێ و مرۆیی لە عێراق لە چوارەمین کۆنفرانسی ساڵانەی ڕێکخراوە ناحکومییەکان لە بەغدا ، ٢٩ ی ئایاری ٢٠٢١ گرنگ

نووسراوە لەلایەن: 

بەڕێزان ، وەزیر و بەرپرسە باڵاکان و خانمان و ئامادەبووان

خۆشحالـم بە ئامادبوون لێرە لە بری نوێنەری تایبەتی سکرتێری گشتی لە عێراق بۆ بەرزڕاگرتنی ڕۆڵی ڕێکخراوەکانی کۆمەڵگای مەدەنی لە ژیانی ڕۆژانەی عێراق . من وەک هەماهەنگیکاری مرۆیی شەرەفمەندم بەوەی لەگەڵ چەندین ڕێکخراوی ناحکومی لە عێراق کارم کردووە و دەشزانم ئەوان چ خزمەتێکی بەهادار پێشکەش دەکان.

نزیکەی ٢٠ ساڵە نەتەوە یەکگرتووەکان لە عێراقە . ئێمە لە ساڵی ٢٠١٤ ەوە لایەنی مرۆییمان دووبارە دامەزراندەوە . لە حەفت ساڵی ڕابردووش هەماهەنگیمان کردووە لە یارمەتییە مرۆییەکان کە بەهایان نزیکەی ٥ ملیار دۆلار بوو و بۆ ئەوەی بە شێوەیەک لە شێوەکانی یارمەتی مرۆیی بگات بە دەستی نزیکەی ٢٤ ملیۆن عێراقی.

لە کاتێکدا ئێمە یارمەتی حکومەت و گەلی عێراقمان دەدا بۆ ئەوەی دوای جەنگی دژ بە داعش وڵات ئاوەدان بکەنەوە لە هەمان کاتیشدا پێویستمان بە بەستنی پەیوەندی بوو لەگەڵ چەندین ڕێکخراوی کۆمەڵگای مەدەنی و پشت بەستن پێیان لە گەیاندنی یارەمتییەکان بۆ ئەو شوینانەی نەتەوە یەکگرتووەکانی لێ نەبوو . ڕؤڵی من وەک هەماهەنگیکاری مرۆیی بریتیە لە هەماهەنگیکردنی تەواوی سیستەمی مرۆیی بە ڕێکخراوەکانی کۆمەڵگای مەدەنیشەوە ، بە شێوەیەکی ڕێک لەگەڵ سەرکردایەتی و بەرپرسانی ڕێکخراوەکانی ناحکومی کۆدەبمەوە بۆ ئەوەی ئاشنا بم بە کارەکانیان و نیگەرانیەکانیشیان . زیاتر لە ٣٠٠ ڕێکخراوی ناحکومی نیشتمانی و نێودەوڵەتی لە عێراق لە بواری مرۆیی کاردەکەن.

یەکیک لە ئامانجە سەرەکیەکانی نەتەوە یەکگرتووەکان لە بواری مرۆیی لە عێراق و لە جیهان بریتیە لە پێشخستنی ئەجێنداکانی بە نیشتمانی کردن و بە خۆجێییکردن . ئێمە بە هەموو تواناکانمان کۆشش دەکەین بۆ ئەوەی بونیاتنانی تواناکان ببەخشینە هاوبەشیکارانمان بۆ ئەوەی لە ئاییندەدا کاتێک کارەکانمان لە عێراق کەم دەکەینەوە ، حکومەتی عێراق و هاوبەشیکارانی لە کۆمەڵگای مەدەنی بە شێوەیەکی باش ئامادە کراو بن بۆ بەردەوام بوون لە خزمەتکردنی خانەوادە و هاوڕێیان و دراوسێکانیان لە کاتی پێویست . ئاگادارم کە حکومەتی عێراقیش هاوبەشە لەم ئامانجە و ڕێکخراوەکانی ناحکومیش بەشێوەیەکی بەرچاو دەرکەوتوون لە پلانی نیشتمانی کۆتایهێنان بە ئاوارەیی کە لەم دواییەدا حکومەت بڵاوی کردەوە . ئومێدەوارم بەردەوام بین لە هاوکاری لەگەڵ حکومەتی عێراق لە کاتێکدا نەتەوە یەکگرتووەکان کاردەکات لە پێناو یارمەتیدانی ئاوارە نێوخۆیی و گەڕاوە عێراقییەکان لە دۆزینەوەی چارەسەری تۆکمە بۆ ئاوارە بوونیان ، هەروەها ئومێدەوارم بەردەوام بم لە هاوکاری لەگەڵ ڕێکخراوەکانی ناحکومی نیشتمانی و نێودەوڵەتی وەک هاوبەشیکاری جێبەجێکەری نەتەوە یەکگرتووەکان . ئاواتەخوازم ڕۆژێک دابێت عێراق هیچ
ی تر پێویستی بە نەتەوە یەکگرتووەکان نەبێت و عێراقییەکان خۆیان بتوانن ژیانێکی ئارام و خۆشگوزەران و سەقامگیر دابین بکەن.

کۆمەڵگای نیودەوڵەتی متمانەی بەوە هەیە کە حکومەتی عێراق باشترینە بۆ دابینکردنی پێداویستییەکانی هاوڵاتییانی ، لە کاتێک ئێمە بەرەو پەسەندکردنی چوارچێوەی نوێی نەتەوە یەکگرتووەکان بۆ گەشەپیدانی بەردەوام و هاوکاریکردن هەنگاو دەنێین ، حکومەتی عێراق لە ساڵی ٢٠٢١ و دواتر ڕؤلێکی سەرکردایەتیکردنی بەرچاوی دەبێت .

سوپاس بۆ ئێوە

زانیاری زیاتر

  • Agency: UNAMI
© 2021 United Nations Iraq. هەموو مافەکانى پارێزراوە.