Super User
نوێنه‌ری تایبه‌تی سكرتێری گشتیی نه‌ته‌وه یه‌كگرتووه‌كان بۆ عیراق ده‌ستخۆشی له ته‌واوبوونی پرۆسه‌ی پێكهێنانی حكومه‌تی عیراق ده‌كات
به‌غدا، ١٨ی تشرینی یه‌كه‌می ٢٠١٤:- ئه‌مڕۆ نوێنه‌ری تایبه‌تی سكرتێری گشتیی نه‌ته‌وه یه‌كگرتووه‌كان بۆ عیراق نیكولای ملادینۆڤ ده‌ستخۆشی له‌و رێككه‌وتنه كرد كه ئه‌مڕۆ به پڕكردنه‌وه‌ی وه‌زاره‌ته بۆشه‌كانی ناوخۆ و به‌رگری و گه‌شتیاری و كۆچ و كاروباری ژنان له‌گه‌ڵ پڕكردنه‌وه‌ی شوێنه‌كانی جێگری سەرۆک وه‌زیران و وه‌زیری ده‌وڵه‌ت و رۆشنبیری و دارایی و هه‌روه‌ها سوێندخواردنی وه‌زیره كورده‌كان به ئه‌نجام گه‌یشت.
به‌بۆنه‌ی رۆژی كراوه‌ی بڕیاری ئه‌نجومه‌نی ئاسایشی ژماره ١٣٢٥ نوێنه‌ری تایبه‌تی سكرتێری گشتیی نه‌ته‌وه یه‌كگرتووه‌كان داوای جێبه‌جێكردنی پلانی كارپێكردنی نیشتمانی ده‌كات
به‌غداد، ١٥ تشرینی یه‌كه‌می ٢٠١٤:- ئه‌مڕۆ به‌بۆنه‌ی بڕیاری ئه‌نجومه‌نی ئاسایشی ژماره ١٣٢٥، نوێنه‌ری تایبه‌تی سكرتێری گشتیی نه‌ته‌وه یه‌كگرتووه‌كان بۆ عیراق نیكولای ملادینۆڤ به‌شداری له كۆڕبه‌ندێك كرد كه له باره‌گای یونامی رێكخرابوو كه تێیدا نوێنه‌رانی رێكخراوه‌كانی كۆمه‌ڵگه‌ی مه‌ده‌نی و سه‌ركرده ژنه‌كان بۆ ئه‌نجامدانی گفتوگۆی گه‌رم سه‌باره‌ت به كۆمه‌ڵێك بابه‌تی په‌یوه‌ست به گه‌شه‌پێدانی مافه‌كانی ژنان و یه‌كسانیی جێنده‌رییه‌وه بانگهێشت كرابوون.
عێراق: ئاوارەبوون – دیمەنی مرۆیی (بۆ ١١ی ئۆکتۆبەر ٢٠١٤)
پێدانی خەرجی بچووک بۆ هاوکاری ئاوارە ناوەخۆییەکان و کۆمەڵگەی خانەخوێ
عیراق رووبه‌رووی یه‌كێك له گه‌وره‌ترین ژماره‌ی ئاواره‌ی ناوخۆیی ده‌بێته‌وه له جیهاندا كه زیاتر ١.٨ ملیۆن كه‌سه ، كه له توندوتیژیی هه‌ڵهاتوون له نیوه‌ی كانونی ٢٠١٤ ه‌وه. ئه‌مه جگه له ٢١٥٠٠٠ په‌نابه‌ری سوری، زیاتر له نیوه‌ی ئاواره‌ی ناوخۆیی ئێستا له هه‌رێمی كوردستان- له باكووری عیراق پیشوازییان لێكراوه. له ٣١ی ئابی ٢٠١٤ دا نه‌ته‌وه یه‌كگرتووه‌كان له عیراق ئاستی ٣ی دۆخی له ناكاوی راگه‌یاند كه به‌رزترین ئاستی قه‌یرانی مرۆییه.
قه‌یرانی ئاواره ناوخۆییه‌كانی عیراق - راپۆرتی بارودۆخ ژماره (١٥) ٤ - ١٠ی ئۆكتۆبه‌ری ٢٠١٤
قه‌یرانی ئاواره ناوخۆییه‌كانی عیراق - راپۆرتی بارودۆخ ژماره (١٤) ٢٦ی ئه‌یلول - ٣ی ئۆكتۆبه‌ری ٢٠١٤
ملادینۆفی نوێنه‌ری تایبه‌تی سكرتێری گشتیی نه‌ته‌وه یه‌كگرتووه‌كان داوا له وه‌زیره كورده‌كان ده‌كات بێ دواكه‌وتن به‌رپرسیاره‌ته‌كانیان له حكومه‌تی عیراق بگرنه ئه‌ستۆ
هه‌ولێر، ١٢ی تشرینی یه‌كه‌می ٢٠١٤- ئه‌مڕۆ، نوێنه‌ری تایبه‌تی سكرتێری گشتیی نه‌ته‌وه یه‌كگرتووه‌كان له عیراق به‌ڕێز نیكۆلای ملادینۆف له‌گه‌ڵ سه‌رۆكی په‌رله‌مانی كوردستانی عیراق كۆبووه‌وه . هاركاریكردنی به‌رده‌وامی نێوان هه‌رێمی كوردستانی عیراق و حكومه‌تی مه‌ركه‌زی ته‌وه‌ری سه‌ركی كۆبوونه‌وه‌كه بوو وێڕای باسكرنی ئه‌و بارگرانیه مرۆییه‌ی كه‌وتۆته سه‌ر شانی هه‌رێمی كوردستان. هه‌روه‌ها به‌ڕێزیان وێنه‌یه‌كی له راپۆرتێك وه‌رگرت كه په‌رله‌مانی كوردستان ده‌رباره‌ی ره‌وشی ناله‌باری شاری كۆبانی له سوریا ، ئاماده‌ی كردبوو.
قه‌یرانی ئاواره ناوخۆییه‌كانی عیراق - راپۆرتی بارودۆخ ژماره (١٣) ٢٠-٢٦ی ئه‌یلولی ٢٠١٤
نه‌ته‌وه یه‌كگرتووه‌كان ژماره‌ی قوربانیانی مانگی ئه‌یلولی ٢٠١٤ راده‌گه‌یه‌نێت
به‌غدا،١ی ئۆكتۆبه‌ری ٢٠١٤- به پێی ئه‌و ئاماره‌ی ئه‌مڕۆ نێرده‌ی نه‌ته‌وه یه‌كگرتووه‌كان بۆ هاریكاریكردنی عیراق(یونامی) بڵاوی كردۆته‌وه، ١١١٩ كه‌س كوژران و ١٩٤٦ كه‌سی دیكه‌ش برینداربوون له ده‌ره‌نجامی ئه‌و كرده‌وه توندوتیژی و تیرۆرستیانه‌ی له مانگی ئه‌یلولی ٢٠١٤دا روویانداوه.
نوێنه‌ری تایبه‌تی سكرتێری گشتیی نه‌ته‌وه یه‌كگرتووه‌كان بۆ عیراق ملادینۆڤ ده‌ڵێت كه بڕیاری ژماره ٢١٧٨ی ئه‌نجومه‌نی ئاسایش هانده‌رێكه بۆ عیراق
به‌غدا، ٢٥ی ئه‌یلولی ٢٠١٤:- ئه‌مڕۆ نوێنه‌ری تایبه‌تی سكرتێری گشتیی نه‌ته‌وه یه‌كگرتووه‌كان بۆ عیراق نیكولای ملادینۆڤ ده‌ستخۆشی له بڕیاری ژماره ٢١٧٨ كرد له‌لایه‌ن ئه‌نجومه‌نه ئاسایشه‌وه به‌كۆی ده‌نگ په‌سندكرا و تێیدا ئیدانه‌ی په‌ڕگیریی توندوتیژیی كراو داواش له وڵاتان كرا كه بۆ پێشگرتن له گه‌شتكردن و پشتگیریكردنی شه‌ڕكه‌ره بیانییه‌كان به‌یه‌كه‌وه كار بۆ جێبه‌جێكردنی یاسا و رێوشوێنه‌كان بكه‌ن.