"رۆژی جیهانی مافی مرۆڤ"ی ئه‌مساڵ، كه‌ هاوه‌زه‌مانه‌ له‌گه‌ڵ دواڕۆژی هه‌ڵمه‌تی ١٦ رۆژه‌ی به‌رنگاربوونه‌وه‌ی توندوتیژی دژی ژنان، مانایه‌كی گه‌وره‌ی بۆ عیراقییه‌كان هه‌یه‌. ئێستا قه‌یرانێكی مرۆیی پێشترنه‌بینراو به‌رۆكی عیراقی گرتووه‌ كه‌ به‌هۆیه‌وه‌ له‌سه‌ره‌تای ئه‌مساڵه‌وه‌ ٢ ملیۆن عیراقی له‌ سه‌رتاسه‌ری وڵاتدا تووشی ئاواره‌یی بوونه‌ته‌وه‌. ئه‌وانه‌ له‌سه‌ر جێهێشتنی به‌په‌له‌ی ماڵوحاڵیان ناچار كراوون و مافی ئازادیی ئاینی و بیروباوه‌ڕی سیاسی و هه‌تا بگره‌ ژیانیشیان كه‌وتووه‌ته‌ ژێر مه‌ترسییه‌وه‌. 

به‌غدا، ١٣ی تشرینی دووه‌می ٢٠١٤:- له‌ چالاكییه‌ك‌ له‌ ١٣ی تشرینی دووه‌می ٢٠١٤ له‌ هۆڵی ئوتێل شیراتۆنی به‌غدا، تۆڕی ژنانی عیراق ئاهه‌نگیان به‌ بۆنه‌ی ساڵیادی ده‌رچوونی بڕیاری ژماره‌ ١٣٢٥ی ئه‌نجومه‌نی ئاسایشی نێوده‌وڵه‌تی گێڕا به‌هۆی گرنگی ئه‌و بڕیاره‌ له‌سه‌ر ژیانی ژنان له‌ شه‌ڕه‌ چه‌كدراییه‌كان و ئاواته‌كانی ئاینده‌یاندا. ‌ 

عیراق پێشتر له‌ ته‌واوی ناوچه‌كه‌دا به‌ یه‌كێك له‌و وڵاتانه‌ هه‌ژمار ده‌كرا كه‌ باشترین په‌روه‌رده‌ی تێدا هه‌بووبێت. ئه‌نجامی چاكسازیی په‌روه‌رده‌یی له‌ نێوان ساڵه‌كانی حه‌فتاكان و هه‌شتا‌كاندا له‌ رێژه‌ی به‌رزی په‌روه‌رده‌ی هه‌رزه‌كاراندا به‌جوانی ده‌رده‌كه‌وێت. به‌ڵام ئه‌مڕۆ ئاینده‌ی زیاتر له‌ ٩٥٠ هه‌زار منداڵ و هه‌رزه‌ی عیراقی له‌ مه‌ترسی بێبه‌شبووندان له‌ مافی سه‌ره‌تایی خوێندنیان. ساڵی خوێندن له‌ باشترین به‌شی ساڵدا په‌كی كه‌وتووه‌ به‌هۆی شه‌ڕی ئێستای نێوان كۆمه‌ڵه‌ تیرۆریسته‌كان و هێزه‌كانی ئاسایشی عیراقیه‌وه‌ كه‌ له‌ كانونی یه‌كه‌می ٢٠١٣ه‌وه‌ له‌ پارێزگای ئه‌نبار ده‌ستی پێكردبوو كه‌ بووه‌ مایه‌ی ده‌ربه‌ده‌ركردنی به‌لێشاوی خه‌ڵك.

عیراق رووبه‌رووی یه‌كێك له‌ گه‌وره‌ترین ژماره‌ی ئاواره‌ی ناوخۆیی ده‌بێته‌وه‌ له‌ جیهاندا كه‌ زیاتر ١.٨ ملیۆن كه‌سه‌ ، كه‌ له‌ توندوتیژیی هه‌ڵهاتوون له‌ نیوه‌ی كانونی ٢٠١٤ ه‌وه‌. ئه‌مه‌ جگه‌ له‌ ٢١٥٠٠٠ په‌نابه‌ری سوری، زیاتر له‌ نیوه‌ی ئاواره‌ی ناوخۆیی ئێستا له‌ هه‌رێمی كوردستان- له‌ باكووری عیراق پیشوازییان لێكراوه‌. له‌ ٣١ی ئابی ٢٠١٤ دا نه‌ته‌وه‌ یه‌كگرتووه‌كان له‌ عیراق ئاستی ٣ی دۆخی له‌ ناكاوی راگه‌یاند كه‌ به‌رزترین ئاستی قه‌یرانی مرۆییه‌.

به‌غداد و هه‌ولێر/عیراق/١٩ی ئابی ٢٠١٤:- ئه‌مڕۆ له‌ دوو یادكردنه‌وه‌دا له‌ باره‌گای نه‌ته‌وه‌ یه‌كگرتووه‌كان له‌ هه‌ولێر و به‌غداد ئاژانسه‌كانی نه‌ته‌وه‌ یه‌كگرتووه‌كان له‌ عیراق  یادی "رۆژی جیهانیی مرۆیی"یان كرده‌وه‌. 

به‌غداد، ١٠ی ئابی ٢٠١٤:- ئه‌مڕۆ نوێنه‌ری تایبه‌تی سكرتێری گشتیی نه‌ته‌وه‌ یه‌كگرتووه‌كان بۆ عیراق نیكولای ملادینۆڤ وتی "له‌ ئه‌نجامی شه‌ڕی نێوان داعش (ده‌وڵه‌تی ئیسلامی عیراق و شام ) و پێشمه‌رگه‌ له‌ باكوری عیراق سه‌دان هه‌زار به‌هۆی جێهێشتین ماڵوحاڵیانه‌وه‌ له‌ ره‌وشێكی زۆر دژواردان و پێویستیشیان به‌ یارمه‌تی رزگاركه‌ری به‌په‌له‌ هه‌له‌یه‌".   

پێنج شەممە, 24 تەمموز 2014 03:00

په‌یامی سكرتێری گشتی بۆ راگه‌یاندن

هه‌ولێر / ٢٤ی ته‌موز ٢٠١٤: من خۆم به‌ به‌ختیار ده‌زانم كه‌ پیرۆزبایی له‌ حكومه‌تی هه‌رێم و خه‌ڵكی كوردستانی عیراق بكه‌م بۆ ئه‌نجامدانی هه‌ڵبژاردنی ئه‌نجومه‌نی پارێزگاكان و هه‌ڵبژاردنی گشتی له‌ مانگی نیسانی رابردوودا له‌گه‌ڵ پیرۆزباییشم به‌ بۆنه‌ی سوێندخواردنی كابینه‌ی تازه‌ی حكومه‌تی هه‌رێمی كوردستان له‌ مانگی رابردودا. هه‌روه‌ها پیرۆزبایی گه‌رمی خۆشم به‌بۆنه‌ی هه‌ڵبژاردنی د. فوئاد مه‌عسوم وه‌ك سه‌رۆك كۆماری عیراق پێشكه‌ش ده‌كه‌م كه‌ به‌هیوام له‌ سایه‌ی ئه‌ودا عیراق بتوانێت پێشكه‌وتنی گه‌وره‌ له‌رووی ئاشتی و سه‌قامگیریی و خۆشگوزه‌ران و پێكه‌وه‌هه‌ڵكردنه‌وه‌ به‌خۆیه‌وه‌ ببینێت. 

پێنج شەممە, 24 تەمموز 2014 03:00

په‌یامی سكرتێری گشتی بۆ راگه‌یاندن

نه‌جه‌ف / ٢٤ی ته‌موزی ٢٠١٤: ئه‌سسه‌لاموعه‌له‌یكوم ره‌مه‌زانتان پیرۆز 

به‌ڕاستی شه‌ره‌فێكی گه‌وره‌یه‌ بۆ من كه‌ ئه‌مڕۆ بۆ یه‌كه‌مجار توانیم چاوم به‌ سه‌ماحه‌تی ئایه‌توڵڵا سیستانی بكه‌وێت كه‌ پێاوێكی ژێر و لێبورده‌یه‌  وێڕای بوونیشی وه‌ك ‌سه‌رچاوه‌یه‌كی سروش و رۆڵ بۆ دواكه‌وتووانی له‌ عیراق و شوێنی تر.  

هه‌ولێر ،  ٨ی ته‌موزی ٢٠١٤ ، تیمێك له‌  شاره‌زایانی ته‌ندروستی  گشتی سه‌ر به‌ رێكخراوی ته‌ندروستی جیهانیی  به‌ رابه‌رایه‌تی دكتۆر سه‌ید جه‌عفه‌ر حوسه‌ینی نوێنه‌ری رێكخراوه‌كه‌ له‌ عیراق ، له‌ سه‌ره‌تای ئه‌م هه‌فته‌یه‌ سه‌ردانی چادرگه‌ی به‌حركه‌ی ئاواره‌ نێوخۆییه‌كانی كرد . ئامانج له‌ سه‌ردانه‌كه‌ ده‌ستنیشانكردنی پێداویستییه‌ ته‌ندروستییه‌كانی دانیشتوانی چادرگه‌كه‌ بوو وێڕای چۆنیه‌تی پشتگیری كردنی به‌ڕێوه‌به‌رایه‌تی ته‌ندروستی هه‌ولێر له‌ بواری گه‌یشتنی ئه‌م ئاوارانه‌ به‌ خزمه‌تگوزارییه‌ ته‌ندروستییه‌كان.

 هه‌ولێر، هه‌رێمی كوردستانی عیراق ، ٨ی ته‌موزی ٢٠١٤-  تیمێك له‌ شاره‌زایانی رێكخراوی ته‌ندروستی جیهانیی یاوه‌ری د. جاكلین بادكۆكی جێگری نوێنه‌ری تایبه‌تی سكرتێری گشتیی و هه‌ماهه‌نگیكاری مرۆیی بوون له‌ سه‌ردانه‌كه‌یدا بۆ چادرگه‌ی گه‌رماوه‌ ، كه‌ له‌م نزیكانه‌دا دروستكراوه‌ بۆ داڵده‌دانی زیاتر له‌ ٢٠٠ خێزانی ئاواره‌ی نێۆخۆیی كه‌ له‌ ترسی شه‌ڕ و پێكدادان له‌ شاری موسڵه‌وه‌ رایان كردووه‌.

پەڕەى 8 لەکۆى 10 پەڕەدا
© 2019 United Nations Iraq. هەموو مافەکانى پارێزراوە.