به‌غدا، ٢٠ی حوزێرانی ٢٠١٥:- سه‌باره‌ت به‌و راپۆرته‌ رۆژنامه‌وانییانه‌ی دراونه‌ته‌ پاڵ یونامی و نوێنه‌ری تایبه‌تی سكرتێری گشتیی نه‌ته‌وه‌ یه‌كگرتووه‌كان یان كوبیش و هه‌روه‌ها سه‌باره‌ت به‌ كاری حكومه‌تی عیراق ، یونامی ئه‌وه‌ پشتڕاستده‌كاته‌وه‌ كه‌ نێرده‌كه‌ ئەوپەڕی پشتگیری له‌ حكومه‌تی عیراق سه‌رۆك وه‌زیران عه‌بادی ده‌كات له‌ هه‌وڵه‌كانی بۆ خێراكردنی جێبه‌جێكردنی به‌رنامه‌كه‌ی حكومه‌تی عیراق و "رێككه‌وتنی سیاسیی نیشتمانی" ، به‌ هه‌وڵه‌كانی ئاشته‌وانیی نیشتمانیشه‌وه‌، و كاری حكومه‌تی عیراق سه‌باره‌ت به‌ پشتگیریكردن له‌ ئاواره‌ ناوخۆییه‌كان و گه‌ڕانه‌وه‌ی به‌ره‌ به‌ره‌یان بۆ زێدی خۆیان.  

به‌غدا، ١٧ی حوزێرانی ٢٠١٥:- ئه‌مڕۆ به‌ بۆنه‌ی هاتنه‌وه‌ی مانگی ره‌مه‌زانی پیرۆزە‌وە نوێنه‌ری تایبه‌تی سكرتێری گشتیی نه‌ته‌وه‌ یه‌كگرتووه‌كان بۆ عیراق یان كوبیش پیرۆزبایی له‌ هه‌موو خه‌ڵكی عیراق و به‌تایبه‌تیش موسڵمانان ده‌كات.   

به‌غدا،١٦ی حوزه‌یرانی ٢٠١٥:- ئه‌مڕۆ نوێنه‌ری تایبه‌تی سكرتێری گشتیی نه‌ته‌وه‌ یه‌كگرتووه‌كان بۆ عیراق یان كوبیش چاوی به‌ ژماره‌یه‌ك له‌ گه‌وره‌ نوێنه‌رانی راگه‌یاندنی عیراق كه‌وت و له‌ كۆبوونه‌وه‌یه‌كیشدا چه‌ندان پرسی وه‌ك بارودۆخی ئێستای عیراق له‌رووی سیاسی و سه‌ربازی و مرۆیی و ئابوری و كۆمه‌ڵایه‌تییه‌وه‌ تاوتوێ كران. 

بەغدا، ١٠ی حوزەیران ٢٠١٥، لەوەتەی ساڵێك لەمەوبەر کە داعش دەستی بەسەر شاری موسڵدا گرتووە، ژیانی ملیۆنان کەسی  تێکداوە و خستۆتە مەترسییەوە بەهۆی مەرگەسات و تاوانەکانیان بەتایبەتی لە دژی کەمە نەتەوایەتییەکان، هەندێک لەو تاوانانەش لەوانەیە بچنە چوارچێوەی تاوانی جەنگ و تاوان لە دژی مرۆڤایەتی وەکو ڕووداوی سەربازگەی سپایکەر و هەروەها تێکشکاندنی کەلەپووری کلتوری عیراقی و مێژووی مرۆڤایەتی. هەموو ئەمانە ئەوە دەردەخەن کە هێزی ئاسایشی عیراقی و حەشدی شەعبی و پێشمەرگە و کوڕانی هۆزە سوننیەکان بە هاوکاری لەگەڵ هەوڵی بەردەوامی هاوپەیمانی نێودەوڵەتی و هاوکاران دژی داعش بەمەبەستی کەمکردنەوەی توانا و دوورخستنەوەی تیرۆرستانی داعش.

به‌غداد، ٨ی ئایاری ٢٠١٥:- نه‌ته‌وه‌ یه‌كگرتووه‌كان نیگه‌رانی زۆری خۆی سه‌باره‌ت به‌ نه‌بونی پێشكه‌وتن له‌ دۆزینه‌وه‌ی شوێن و ئازادكردنی كارمه‌نده‌كه‌ی ده‌رده‌بڕێ كه‌ له‌لایه‌ن چه‌ند چه‌كدارێكی نه‌ناسراوه‌وه‌ له‌ نزیك بینایه‌ی پارێزگای  دیاله‌ له‌ به‌عقوبه‌ له‌ رۆژی ٢٦ی نیسانی ٢٠١٥ رفێندرا و له‌و كاته‌شه‌وه‌ به‌ره‌و شوێنی نادیار براوه‌.  

به‌غداد، ١٠ی ئایاری ٢٠١٥:- نوێنه‌ری تایبه‌تی سكرتێری گشتیی نه‌ته‌وه‌ یه‌كگرتووه‌كان بۆ عیراق یان كوبیش به‌ توندترین شێوه‌ ئێدانه‌ی ئه‌و ته‌قینه‌وانه‌ی كرد كه‌ هه‌ندێ مزگه‌وتیان له‌ پارێزگای دیاله‌ كرده‌ ئامانج كه‌ بوونه‌ مایه‌ی كوشتن و برینداركردنی ده‌یان نوێژخۆێن. هه‌ر به‌م بۆنه‌یه‌وه‌، به‌ڕێز كوبیش سه‌ره‌خۆشی گه‌رمی خۆی ئاراسته‌ی خانه‌واده‌ی قوربانییان ده‌كات و هیوای هه‌رچی زووچاكبونه‌وه‌ش بۆ برینداره‌كان ده‌خوازێت. 

به‌غداد، ١٥ی ئایاری ٢٠١٥:- نوێنه‌ری تایبه‌تی سكرتێری گشتیی نه‌ته‌وه‌ یه‌كگرتووه‌كان بۆ عیراق یان كوبیش ئیدانه‌ی ئه‌و كاره‌ قێزه‌ونه‌ی دوێنیێ كرد كه‌ چه‌ند تاوانبارێك به‌ مه‌رامی گڵاویان هێرشیان كرده‌ سه‌ر باره‌گای وه‌قفی سوننه‌ له‌ ناوچه‌ی ئه‌عزه‌مییه‌ و ئاگریان به‌ردایه‌ چه‌ند خانوویه‌ك كه‌ بوووه‌ مایه‌ی مردن و برینداركردنی خه‌ڵكی بێتاوان كه‌ له‌ ناو ماڵه‌ گرگرتووه‌كانیاندا ‌ گیریان خواردبوو.  

١٨ی ئایاری ٢٠١٥: ئاژانسەکانی نەتەوە یەکگرتووەکان بە خێرایی هاوکاری دەگەیەنن بۆ ئەو خەڵکانەی کە لە ڕومادیەوە بۆ دووەم جار لەم مانگە ڕادەکەن.

به‌غدا،١ی حوزه‌یرانی ٢٠١٥- به‌ پێی ئه‌و ئاماره‌ی ئه‌مڕۆ نێرده‌ی نه‌ته‌وه‌ یه‌كگرتووه‌كان بۆ هاریكاریكردنی عیراق(یونامی) بڵاوی كردۆته‌وه‌، ١٠٣١ هاوڵاتی عیراقی كوژراون و ١٦٨٤ كه‌سی دیكه‌ش برینداربوون له‌ ده‌ره‌نجامی  كرده‌وه‌ توندوتیژی و تیرۆرستی و پێكدادانی چه‌كداری كه‌  له‌ مانگی ئایاری  ٢٠١٥دا روویانداوه‌. 

له‌ كۆتایی ساڵی ٢٠١٥  مه‌زه‌نده‌ ده‌كرێت ١٠ ملیۆن كه‌س پێویستی به‌ یارمه‌تی بێت  

برۆكسل، ٤ی حوزه‌یران ٢٠١٥ – به‌رپرسانی‌ سه‌رپه‌رشتی كردنی پرۆسه‌كانی یارمه‌تیدانی مرۆیی له‌ عیراق ده‌ڵێن  پرۆسه‌كانی یارمه‌تیدانی مرۆیی كه‌ ملیۆنان له‌ خه‌ڵكی عیراق، ئه‌وانه‌ی ململانێكان كاریگه‌ری كردۆته‌ سه‌ریان سوودی لێ ده‌بینن، دووچاری مه‌ترسی راگرتن ده‌بنه‌وه‌ تا ئه‌و كاته‌ی دارایی پێویست و ده‌ستبه‌جێیان بۆ دابین ده‌كرێت.

پەڕەى 46 لەکۆى 54 پەڕەدا
© 2019 United Nations Iraq. هەموو مافەکانى پارێزراوە.