به‌غدا، ١٨ی كانونی یه‌كه‌می ٢٠١٥:- ئه‌مڕۆ له‌ رێوره‌سمێك كه‌ بۆ به‌رزراگرتنی "رۆژی جیهانیی زوبانی عه‌ره‌بی" له‌ ته‌لاری شانۆی سامی عه‌بدولحه‌مید له‌ ناوه‌ڕاستی شه‌قامی موته‌نه‌ببی به‌غدا، رێكخرابوو، زوبانی عه‌ره‌بی، كه‌ زوبانی ئاین و زانست و هونه‌ریشه‌،به‌ ئاهه‌نگه‌وه‌ یاد كرایه‌وه‌ و له‌م رێوره‌سمه‌شدا هونه‌رمه‌ندان و رۆشنبیران و پسپۆڕانی زوبان و نوێنه‌رانی چه‌ندان داموده‌زگای وه‌ك وه‌زاره‌تی رۆشنبیری و هه‌روه‌ها نێرده‌ی نه‌ته‌وه‌ یه‌كگرتوووه‌كان بۆ هاوكاریكردنی عیراق (یونامی) و رێكخراوی یونیسكۆ ئاماده‌ بوون.

به‌غدا، ١٥ی كانونی یه‌كه‌می ٢٠١٥:- نوێنه‌ری تایبه‌تی سكرتێری گشتیی نه‌ته‌وه‌ یه‌كگرتووه‌كان بۆ عیراق یان كوبیش سه‌رنجی خۆی سه‌باره‌ت به‌و راپۆرتانه‌ ده‌ڕبڕی كه‌ باس له‌ كشانه‌وه‌ی هێزه‌كانی توركیا له‌ چادرگه‌ی باشیقه‌ی عیراق‌ ده‌كه‌ن كه‌ ئه‌مه‌ش دوای سه‌ردانه‌كه‌ی رۆژی ١٠ی ئه‌م مانگه‌ی نوێنه‌ری سه‌رۆك وه‌زیرانی توركیا هات كه‌ جه‌ختی له‌سه‌ر رێزگرتنی سه‌روه‌ری خاكی عیراق كرده‌وه‌. لای خۆشیه‌وه‌، به‌ڕێز كوبیش هانی هه‌موو وڵاته‌ ئه‌ندامه‌كانی به‌ره‌ی شه‌ڕی داعشی (ده‌وڵه‌تی ئیسلامی عیراق و شام ) له‌ عیراق ده‌دات كه‌ به‌ پێی گوێره‌ی په‌یمانی نه‌ته‌وه‌ یه‌كگرتووه‌كان هه‌ڵسوكه‌وت بكه‌ن و رێزیش له‌ سه‌روه‌ریی خاكی عیراق بگرن.

ڕیکخراوی نێودەوڵەتی کۆچ له‌ عێراق سوتەمەنی بۆ بەکارهێنانی سۆپە دابەش دەکات بۆ هاریکاری ئاوارە و ئەندامانی كۆمه‌ڵگه‌ خانه‌خوێیه‌ هەره‌ شکستبارەکان بەهۆی دابەزینی پلەی گەرمی لەم زستانە له‌ سه‌رتاسه‌ری عێراق. زۆربەی ئاوارەکان ماوه‌یێکی زۆر درێژە یاخود چەند جارە ئاوارە بوون و تاڵییان چه‌شتووه‌ و ڕەنگە نه‌توانن سوتەمەنی پەیا بکەن بۆ ئه‌وه‌ی خۆیان گه‌رم بكه‌نه‌وه‌.

به‌غدا، ٢ی كانونی یه‌كه‌می ٢٠١٥:- نوێنه‌ری تایبه‌تی سكرتێری گشتیی نه‌ته‌وه‌ یه‌كگرتووه‌كان بۆ عیراق یان كوبیش ئیدانه‌ی به‌نهێنی كوشتنی موحه‌ممه‌د خه‌لیل ده‌كات كه‌ ئه‌ندامێكی دیاری ئه‌نجومه‌نی پارێزگای كه‌ركوك بوو.

به‌غدا، ١ی كانونی یه‌كه‌می ٢٠١٥:- نه‌ته‌وه‌ یه‌كگرتووه‌كانی عیراق نیگەرانیی خۆی سه‌باره‌ت به‌و هێرشه‌ تیرۆریستییه‌ی رۆژی ٣٠ تشرینی یه‌كه‌م ده‌رده‌بڕێت كه‌ سه‌ردانكه‌رانی ئاینی له‌ ناوچه‌ی "شه‌عب"ی به‌غدا كرده‌ ئامانج و بووه‌ مایه‌ی كوشتن و برینداركردنی ژماره‌یه‌ك له‌ هاوڵاتییانی مه‌ده‌نی. له‌ راستیدا ئه‌مانه‌ تازەترین هێرشە‌ له‌و زنجیره‌ هێرشانه‌ی كه‌ له‌م هه‌فتانه‌ی دواییدا به‌غدا و چه‌ندان ناوچه‌ی تریان كرده‌ ئامانج و بوونه‌ مایه‌ی راسته‌وخۆ به‌ئامانجگرتنی هاوڵاتییانی مه‌ده‌نیش. ‌

عێراق - تۆماری ئاواره‌كانی عێراق كه‌ له‌م هه‌فته‌یه‌دا (١٩-١١-٢٠١٥) له‌لایه‌ن ڕێكخراوی نێوده‌وڵه‌تیی كۆچه‌وه‌ بڵاو كرایه‌وه‌ ٣،١٨١،١٧٦ ئاواره‌ی عێراقیی ده‌ستنیشان كردووه‌ (كه‌ ٥٣٠،١٩٦ خێزانن) له‌ ماوه‌ی نێوان یه‌كی كانوونی دووه‌م ٢٠١٤ تا ٥ی تشرینی دووه‌می ٢٠١٥.

نیویۆرك - ١ی كانونی یه‌كه‌می ٢٠١٥: له‌ راگه‌یاندراوێكدا، سكرتێری گشتیی نه‌ته‌وه‌ یه‌كگرتووه‌كان ئیدانه‌ی هه‌ر دوو هێرشه‌ تیرۆریستییه‌كه‌ی رۆژی ٣٠ تشرینی دووه‌می به‌غدا ده‌كات كه‌ بووه‌ مایه‌ كوشتنی ١٥ هاوڵاتی مه‌ده‌نی و برینداركردنی چه‌ندانی تر كه‌ زۆربه‌یان به‌شداربووی رێوره‌سمی چله‌ی ئیمامی حوسێن‌ بوون. هه‌ر به‌م بۆنه‌وه‌ به‌ڕێزیان سه‌ره‌خۆشی گه‌رمی خۆیان ئاراسته‌ی خانه‌واده‌ی قوربانییان ده‌كات و هیوای هه‌رچی زووچاكبوونه‌وه‌ش بۆ برینداره‌كان ده‌خوازێت.

لە ماوەی هەفتەی رابردوو وەزارەتی ناوەخۆی عێراق، سەردانێکی بۆ خوێندەوەی بارودۆخ کرد بۆ ڕێکخراوی پۆلیسی نیودەوڵەتی بۆ تاوانباران (ئێنتەرپووڵ) لە لیۆن و فەرەنسا بەڕێگەی ڕێکخراوی نیودەوڵەتی کۆچ لە عێراق. سەردانەکە بۆ ماوەی سێ رۆژ بوو و رێکخرا لە رێگای تواناسازی لە پرۆگرامی بەڕێوەبردنی کۆچ کردن کە پارەدار کراوە لە لایەن وەزارەتی کۆچکردنی ئوستوڕالی و پاراستنی سنوور.

(بەغدا/هەولێر، ٣٠ تشرینی دووەمی ٢٠١٥): کیونگوا کانگ، یاریدەدەری سکرتێری گشتی نەتەوە یەکگرتووەکان بۆ کاروباری مرۆیی سەردانی بەغدا و هەولێری کرد بۆ تاوتوێکردنی قەیرانی مرۆیی. خاتوو کانگ وتی: " تێچووی مرۆیی ئەم قەیرانە ناخ هەژێنە. ئێمە زۆر نیگەرانین لەوەی کە هەموو ئاماژەکان تیشك دەخەنە سەر خراپبوونی زیاتری بارودۆخەکە لە چەند مانگی داهاتوودا".

هەولێر، ٢٨ی تشرینی دووه‌می ٢٠١٥:- هه‌رێمی كوردستانی عیراق كه‌وته‌ گه‌ل نه‌ته‌وه‌ یه‌كگرتووه‌كان و ته‌واوی جیهان كاتێك شانبه‌شانی جیهان له‌ رۆژی پێنج شه‌ممه‌ی رێككه‌وتی ٢٦ی تشرینی دووه‌مدا هه‌ڵمه‌تی ١٦ رۆژه‌ی به‌ره‌نگاربوونه‌وه‌ی توندوتیژیی دژی ژنان له‌سه‌ر بنه‌مای جێنده‌ری راگه‌یاند. ئه‌م هه‌ڵمه‌ته‌ ١٦ رۆژییه‌ مافه‌كانی ژنان و كچان له‌ چه‌قی سه‌رنجی جیهان و عیراق داده‌نێت. ئه‌م هه‌ڵمه‌ته‌ی ئه‌مساڵی كوردستان سه‌رنج بۆ بارودۆخێكی دژواری ژنان و كچانی ئاواره‌ و هه‌روه‌ها مافی خوێندنیان راده‌كێشێت. له‌ لایه‌كی تره‌وه‌، قه‌یرانه‌كان هه‌ر درێژه‌یان هه‌یه‌ و پێیویستییه‌ مرۆییه‌كانیش به‌تایبه‌تی بۆ ژنان و كچان هه‌ر له‌ هه‌ڵكشاندان. له‌ راستیدا توندوتیژیی له‌سه‌ر بنه‌مای جێنده‌ری خه‌سڵه‌تێكی گرنگی ئه‌م قه‌یرانه‌یه‌ و كاریگه‌ری زۆریشی له‌سه‌ر ژنان و كچان و هه‌روه‌ها توانا و ئاره‌زوویان بۆ خوێندن و په‌روه‌رده‌ هه‌یه‌. لێره‌ به‌تایبه‌تی كچان زیاتر روبه‌رووی چه‌ندان شێوازی توندوتیژی ده‌بنه‌وه‌ و زۆربه‌شیان له‌قوتابخانه‌ نین و سه‌ره‌ڕای توندوتیژیی سێكسی و هه‌راسانكردن و به‌زوو به‌شوودان و بێڕێزی و خراپبه‌كارهێنان و كۆت و به‌ندی خانه‌واده‌ بۆ هه‌ڵسوكه‌وتی سه‌به‌رستانه‌.

پەڕەى 46 لەکۆى 58 پەڕەدا
© 2020 United Nations Iraq. هەموو مافەکانى پارێزراوە.