به‌غدا، ٢٠ی ئابی ٢٠١٨:- به‌ بۆنه‌ی هاتنه‌وه‌ی جه‌ژنی قوربانی پیرۆزه‌وه‌، نوێنه‌ری تایبه‌تی سكرتێری گشتیی نه‌ته‌وه‌ یه‌كگرتووه‌كان بۆ عیراق یان كوبیش گه‌رمترین پیرۆزبایی خۆی ئاراسته‌ی خه‌ڵكی عیراق به‌ گشتی موسڵمانان به‌تایبه‌تی ده‌كات.

لە رۆژی ٦ی ئابی ٢٠١٨دا، بەڕێز کەریم ئەسەد ئەحمەد خان، ڕاوێژکاری تایبەتی نەتەوە یەکگرتووەکان و سەرۆکی تیمی لێکۆڵینەوە بۆ لێپرسینەوە لە تاوانەکانی داعش، سەردانێکی هەشت ڕۆژی بۆ کۆماری عیراق دەست پێکرد. ڕاوێژکاری تایبەت بە پێی بڕیاری ژمارە ٢٣٧٩ی ئەنجومەنی ئاسایش دامەزراوە.

به‌غدا، ٦ ی ئابی ٢٠١٨ – له‌ كۆبوونه‌وه‌یه‌كدا كه‌ نه‌ته‌وه‌ یه‌كگرتووه‌كان ئاسانكاری بۆ كردبوو، كۆمه‌ڵه‌ ئافره‌تێكی عێراقی ئه‌وانه‌ی پێشبینی ده‌كرێت له‌ ئه‌نجومه‌نی توێنه‌رانی دادێ ببنه‌ ئه‌ندام داوایان كرد به‌ هه‌ماهه‌نگی كار بكه‌ن له‌ چوارچێوه‌ی فه‌زای سیاسی به‌ دروستكردنی گردبوونه‌وه‌یه‌كی په‌رله‌مانی ئافره‌تانه‌ بۆ فشاركردن له‌ پێناو یه‌كسانی جێنده‌ری و كاركردن له‌سه‌ر یاسایانه‌ی ده‌بنه‌ هۆی پێشوه‌چوونی مافی ئافره‌تان و پته‌وكردنی رۆڵیان له‌ حوكمڕانی.

بەغدا، ٦ی ئابی ٢٠١٨- بەڕێز یان کوبیش، نوێنەری تایبەتی سکرتێری گشتی نەتەوە یەکگرتووەکان بۆ عیراق، دەستخۆشی لە ڕاگەیاندنەکەی ئەمڕۆی دەستەی دادوەرانی کۆمسیۆنی باڵای سەربەخۆی هەڵبژاردنەکانی عیراق دەکات بەبۆنەی تەواوکردنی هەژمارکردنەوەی دەنگەکان لە هەموو ١٨ پارێزگاکەی عیراق و دەنگەکانی دەرەوەی وڵاتیش.

بەغدا، ٢ی ئابی ٢٠١٨ – چاڵاکوانان لە هەوڵی کاراکردنی رۆڵی ئافرەتان لە پرۆسەی سیاسیی لە عیراقدا دید و بۆچوونی خۆیان لەمەر جێکردنەوەی لایەنی یەکسانیی جێندەری لە بەرنامەکانی حکومەتی نوێی عیراق پێشکەشکرد و داوای پاڵپشتی نەتەوە یەکگرتووەکانیشیان کرد بۆ بەدەستهێنانی نوێنەرایەتییەکی مانادار و کارا لە پرۆسە سیاسییەکاندا.

(بەغدا، ٢١ی تەموزی ٢٠١٨): ئەمڕۆ ساڵیادی یەك ساڵەی کۆتایی هێنان بوو بە ئۆپەراسیۆنە سەربازیەکان لەلایەن هێزەکانی ئاسایشی عێراق بۆ ئازادکردنی شاری موسڵ لە دەستی داعش لە پارێزگای نەینەوا. داگیرکردنی موسڵ لەلایەن داعش لە مانگی حوزەیرانی ٢٠١٤ بۆ تەموزی ٢٠١٧ بووە هۆی کارەساتێکی مرۆیی لەگەڵ ئازارچەشتنی زۆری مرۆیی وکاولکاریەکی زۆری باڵەخانەکان. نزیکەی یەك ملیۆن کەس ناچارکران کە لە ململانێکەی ناو موسڵ ڕابکەن. ئەو هەڵسەنگاندنانەی کە لەلایەن نەتەوە یەکگرتووەکان وهاوکارانی مرۆییەوە ئەنجام دراون ئەوەیان دۆزیوەتەوە کە نەخۆشخانەکان، پردەکان، قوتابخانەکان، ووێستگەکانی چارەسەری ئاو و ووزە پیس ببوون بەهۆی تەقەمەنیە مەترسیدارەکان وبۆمبە چێندراوەکان کە داعش لە دوای خۆی بەجێیانی هێشتبوون.

به‌غدا، ١٩ی حوزه‌یرانی ٢٠١٨- له‌ كۆبوونه‌وه‌ی ئه‌مڕۆی نێوان تیمی نه‌ته‌وه‌ یه‌كگرتووه‌كان بۆ وڵاتی عیراق و هاوبه‌شكارانی په‌ره‌پێدان سه‌باره‌ت به‌ پێشكه‌شكردنی چالاكییه‌كان له‌ چوارچێوەی به‌رنامه‌ی " هه‌ڵسانه‌وه‌ و بووژانه‌وه"دا‌، ستراتیژێكی گرنگ بۆ گواستنه‌وه‌ی كاری نه‌ته‌وه‌ یه‌كگرتووه‌كان له‌ جەختکردنی چڕ لەسەر بواری‌ مرۆیی و دواییش ئه‌نجامدانی چالاكییه‌كانی سه‌قامگیركردنه‌وه‌ بۆ كاری هه‌ڵسانه‌وه‌ و ئاودانكردنه‌وه‌ و گه‌شه‌پێدان خرایه‌ ڕوو.

بەغدا، ١٧ی تەمووزی ٢٠١٨- دوابەدوای خۆپیشاندانەکان بەهۆی نەبوونی خزمەتگوزاری و هەلی کار و داواکاری باشترکردنی باری ژیان، بەڕێز کوبیش، نوێنەری تایبەتی سکرتێری گشتی نەتەوە یەکگرتووەکان بۆ عیراق، داوا لە حکومەت دەکات ڕێز لە نیگەرانییە ڕەواکانی خەڵکی بگرێت و وەڵامیان بداتەوە. بەڕێزیان داوا لە لایەنە سیاسییەکانیش دەکات کە کابینەی داهاتوو حکومڕانی کارا و چاکسازی و بەرەنگاربوونەوەی گەندەڵی لە کاری هەر لە پێشینەی بێت بۆ پەرەسەندن و بەرەوپێشبردنی بواری ئابووری و دروستکردنی هەلی کار و گەیاندنی خزمەتگوزاری گشتی پێویست.

هەولێر، 4 تەمموز 2018- بەرنامەی نەتەوە یەکگرتووەکان بۆ پەرەپێدان وپارێزگای هەولێر هەشت پڕۆژەی ژێرخانیان بەگەڕخست بۆ باشترکردنی ئەو خزمەتگوزاریانەی گرنگ وبنەڕەتین بۆ ژیانی ڕۆژانە، وەکو کارەبا و ئاو و ڕێگاوبان و ئاوەڕۆ، ئەمانە بۆ زیاتر له284,000 کەس لە هەموو پارێزگای هەولێردا.

شوێن: هەولێر، عیراق - 5-7-2018: بەڕێز، امین عواد، بەڕێوەبەری نووسینگەی خۆرهەڵاتی ناوەڕاست و باکووری ئەفریقیای ڕێکخراوی UNHCR، ئەمڕۆ لە هەولێر، لە هەرێمی کوردستانی عیراق، گوتەیەك پێشکەش دەکات.

پەڕەى 12 لەکۆى 54 پەڕەدا
© 2019 United Nations Iraq. هەموو مافەکانى پارێزراوە.