سێ شەممە, 01 کانونی یەکەم 2015 03:00

نه‌ته‌و یه‌كگرتووه‌كان نیگەرانیی خۆی بۆ هێرشی سه‌ر سه‌ردانكه‌رانی ئاینی ده‌رده‌بڕێت

به‌غدا، ١ی كانونی یه‌كه‌می ٢٠١٥:- نه‌ته‌وه‌ یه‌كگرتووه‌كانی عیراق نیگەرانیی خۆی سه‌باره‌ت به‌و هێرشه‌ تیرۆریستییه‌ی رۆژی ٣٠ تشرینی یه‌كه‌م ده‌رده‌بڕێت كه‌ سه‌ردانكه‌رانی ئاینی له‌ ناوچه‌ی "شه‌عب"ی به‌غدا كرده‌ ئامانج و بووه‌ مایه‌ی كوشتن و برینداركردنی ژماره‌یه‌ك له‌ هاوڵاتییانی مه‌ده‌نی. له‌ راستیدا ئه‌مانه‌ تازەترین هێرشە‌ له‌و زنجیره‌ هێرشانه‌ی كه‌ له‌م هه‌فتانه‌ی دواییدا به‌غدا و چه‌ندان ناوچه‌ی تریان كرده‌ ئامانج و بوونه‌ مایه‌ی راسته‌وخۆ به‌ئامانجگرتنی هاوڵاتییانی مه‌ده‌نیش. ‌

له‌مباره‌وه‌ نوێنه‌ری كۆمیساریای باڵای مافی مرۆڤی نه‌ته‌وه‌ یه‌كگرتووه‌كان له‌ عیراق و به‌رپرسی مافی مرۆڤی یونامی به‌رێز فرانسێسكۆ مۆتا وتی "من هاوغه‌می گه‌رمی خۆم بۆ قوربانییانی ئه‌م هێرشانه‌ و خانه‌واده‌كانیان ده‌رده‌بڕم".

ئه‌و هه‌روه‌ها وتیشی "هێرشكردنه‌ سه‌ر هاوڵاتییانی مه‌ده‌نی هیچ جۆره‌ پاساوێكی بۆ نییه‌ و به‌گوێره‌ی یاسای عیراقی و جیهانیش له‌ تاوانه‌ هه‌ره‌ گه‌وره‌كان هه‌ژمار ده‌كرێت".

به‌ڕێز مۆتا زیاتر داوای له‌ حكومه‌تی عیراق كرد بۆ "دڵنیابوون له‌ چاره‌سه‌ری ته‌واو بۆ برینداره‌كانی ئه‌م هێرشه‌ قێزه‌ونانه‌ و هه‌روه‌ك چۆن داوای گرتنه‌به‌ری هه‌موو رێوشوێنیكیشی كرد بۆ دڵنیابوون له‌وه‌ی كه‌ تاوانباران په‌لكێشی دادگا بكرێن".

© 2020 United Nations Iraq. هەموو مافەکانى پارێزراوە.