چوار شەممە, 04 تشرینی دووەم 2015 13:42

نێردەی نەتەوە یەکگرتووەکان بەبۆنەی کۆچی دوایی ئەحمەد چەلەبییەوە غەمباری خۆی ڕادەگەیەنێت

بەغدا، ٣ی تشرینی دووەمی ٢٠١٥ – نێردەی نەتەوە یەکگرتووەکان بۆ هاوکاری عیراق (UNAMI) پرسە و سەرخۆشی خۆی بە خەڵکی عیراق ڕادەگەیەنێت بەبۆنەی کۆچی دوایی ناوادەی ئەندام پەڕلەمانی عیراقی ئەحمەد عبدولهادی ئەلچەلبی. کۆچی دوایی بەڕێز چەلەبی بۆشاییەکی گەورە لە ووڵات جێدێڵێ چونکە بەڕێزیان سەرکردەیەکی دیاری هاوپەیمانیی نیشتیمانی و سەرۆکی کۆنگرەی نیشتیمانی عیراق و ئەندامێکی باڵای ئەنجوومەنی نوێنەرانیش بوو. ئەمەش لەکاتێکدایە کە وڵات لە چەندین بەرەدا ڕووبەڕووی کێشەی سەخت دەبێتەوە.

لەمبارەوە، نوێنەری تایبەتی سکرتێری گشتی نەتەوە یەکگرتووەکان لە عیراق، بەڕێز یان کوبیش وتی: "من زۆر خەمبارم بە لەدەستدانی سەرکردەیەکی دیاری عیراق کە هاوکارێکی باشی نەتەوە یەکگرتووەکان بوو لە عیراق."

هەروەها، نوێنەری تایبەتی سکرتێری گشتی نەتەوە یەکگرتووەکان لە عیراق، بەڕێز یان کوبیش وتی: "بەناوی نەتەوە یەکگرتووەکان لە عیراقدا پرسە و سەرەخۆشی خۆمان ئاراستەی خانەوادەی بەڕێز چەلەبی و هەموو ئەوانە دەکەین کە لە نزیکەوە لەسەر ئاستی کەسایەتی و لێهاتوویی ئاشنایەتییان لەگەڵدا هەبوو."

© 2020 United Nations Iraq. هەموو مافەکانى پارێزراوە.