پێنج شەممە, 10 کانونی یەکەم 2020 20:55

نەتەوە یەکگرتووەکان بۆ پاڵپشتیکردنی یارمەتیە هەڵبژاردنەکانی بۆ عێراق ڕێکەوتنێکی دارایی لەگەڵ ئەڵمانیا واژوو دەکات

بەغدا، ١٠ ی کانونی یەکەمی ٢٠٢٠- نەتەوە یەکگرتووەکان لە عێراق دەستخۆشی لە بەشداریکردنی ئەڵمانیا بە ىڕی ٧.٢٥ ملیۆن دۆلار دەکات، لەو پرۆژەیەی کە نەتەوە یەکگرتووەکان ڕابەرایەتی دەکات بۆ پاڵپشتیکردن و یارمەتی دانی بونیاتنانی تواناکانی نێو کۆمسیۆنی باڵای سەربەخۆی هەلبژاردنەکان . ئەو فەندەی ئەڵمانیا یارمەتیدەریش دەبێت بۆ بڵاوەپێکردنی ڕاوێژکارانی هەڵبژاردنەکانی سەر بە نەتەوە یەکگرتووەکان لەو کاتەی کۆمسیۆنی باڵای سەربەخۆی هەلبژاردنەکان لە عێراق ئامادەکاری دەکات بۆ ‌هەڵبژاردنە نیشتمانییەکان لە حوزەیرانی ٢٠٢١.



بەم بۆنەیەوە ، دکتۆر ئۆلی دیل بالیۆزی ئەڵمانیا لە عێراق وتی" لە میانەی بەشداریکردنمان لە پرۆسەی هەڵبژاردنەکان لە عێراق ، ئەڵمانیا بەردەوامە لە پاڵپشتیکردنی هەوڵە هاوبەشەکان بۆ وەدیهێنانی سەقامگیری لە عێراق. مسۆگەرکردنی هەڵبژاردنێکی دیموکرات و شەفاف و گشتگیر وێڕای فەراهەمکردنی ژینگەیەکی سەلامەت بۆ هەریەک لە دەنگەدەران و بەربژێران بنەمای سەرەکین بۆ زیاتر بەشداریکردنی دیموکراتییانە و متمانە کردن بە دام و دەزگاگانی دەوڵەت و هەروەها لێپێچینەوەش لێیان "

بەرنامەی نەتەوە یەکگرتووەکان بۆ گەشە پیدان UNDP لە بری نێردەی نەتەوە یەکگرتووەکان بۆ هاریکاری عێراق UNAMI ڕێکەوتنێکی لەگەل ئەڵمانیا واژوو کرد بۆ گرتنە ئەستۆی تێجووە دارایی و کارگێریەکانی پڕۆژەکە. نەتەوە یەکگرتووەکان سوپاسی ئەڵمانیا دەکات بۆ ئەو بەشداریکردنە کە پشتگیریکردنی ئەنجامدانی پرۆسەی هەلبژاردنێکی ئازاد و دادپەروەرانە لە عیراق پتەوتر دەکات.

****************
بۆ زانیاریی زیاتر تكایه‌ په‌یوه‌ندی بكه‌ن به‌ به‌رپرسی نوسینگه‌ی راگه‌یاندن و ته‌بێژی (یونامی) به‌ڕێز سه‌میر غه‌تاس به‌ ئیمێلی ئەم ئیمەیڵە پارێزراوە لە سپام, پێویستە جاڤا سکریپت چالاک بکەیت بۆ بینینی. یان ئەم ئیمەیڵە پارێزراوە لە سپام, پێویستە جاڤا سکریپت چالاک بکەیت بۆ بینینی. یانیش به‌ ژماره‌ ته‌له‌فۆنی ٠٠٩٦٤٧٩٠١٩٣١٢٨١

© 2021 United Nations Iraq. هەموو مافەکانى پارێزراوە.