شەممە, 31 تشرینی یەکەم 2020 06:39

لێدوانی نووسینگەی جێگری نوێنەری تایبەتی سکرتێری گشتی نەتەوە یەکگرتووەکان لە عیراق/ هەماهەنگیکاری نیشتەجێ و هەماهەنگیکاری کاروباری مرۆیی لە عیراق

بەغدا ٣٠ی تشرینی یەکەمی ٢٠٢٠ – حکومەتی عیراق نیازی خۆی ڕایگەیاندووە بە داخستنی چەندان کەمپی ئاوارە ناوەخۆییەکان لە عیراق تا کۆتایی ساڵی ٢٠٢٠. لە ماوەی چەند ڕۆژی ڕابردوودا داخستن و بچووککردنەوەی چەند کەمپێك ئەنجامدراوە و هەروەها حکومەت ئاماژەی بەوەداوە کە چاوەڕواندەکرێ چەند کەمپێکی دیکەش دابخرێن.

ئەم بڕیارانە سەربەخۆ و بەبێ نەتەوە یەکگرتووەکان دراون، چونکە نەتەوە یەکگرتووەکان پەیوەندی بە بڕیارەکانی حکومەت سەبارەت بە بارودۆخی کەمپی ئاوارە ناوەخۆییەکانەوە نیە. بەرپرسیارێتی سەرەکی پاراستن و سەلامەتی ئاوارە ناوەخۆییەکان لە ئەستۆی حکومەتی نیشتیمانی و دەسەڵاتە خۆجێییەکانە.

نەتەوە یەکگرتووەکان پشتگیری لە گەڕانەوەی ئاوارە ناوەخۆییەکان دەکات بە شێوەیەکی سەلامەت و شکۆمەندانە و ئارەزوومەندانە و بە ڕێكوپێكی. نەتەوە یەکگرتووەکان پابەندی ئەرکی پێسپێردراوی خۆیتی بۆ هەماهەنگیکردن لەگەڵ حکومەت سەبارەت بە گیروگرفتی هاوکاری مرۆیی و کاردەکات بۆ دڵنیابوون لەوەی کە ئەو ئاوارە ناوەخۆییانەی کە کەمپەکانیان جێهێشتووە و دەگەڕێنەوە سەر ماڵ و حاڵی خۆیان دەستیان بگات بە هاوکاری پێویست لە ڕێگا و لەکاتی گەیشتنیش بە زێدی خۆیان.

نەتەوە یەکگرتووەکان لە نزیکەوە بەدواداچوون بۆ پەرەسەندنەکان دەکات و بەردەوام لەگەڵ حکومەتی عیراق لە پەیوەندیدایە دەربارەی پلاندانان بۆ چارەسەری کاریگەر و درێژخایەن بۆ هەموو ئاوارە ناوەخۆییە بەرگەزنەکان لە عیراقدا.

بۆ زانیاری زیاتر، تکایە پەیوەندی بکەن بە : ئەم ئیمەیڵە پارێزراوە لە سپام, پێویستە جاڤا سکریپت چالاک بکەیت بۆ بینینی.

© 2020 United Nations Iraq. هەموو مافەکانى پارێزراوە.