هەینی, 02 تشرینی یەکەم 2020 14:49

نەتەوە یەکگرتووەکان لە پرسەنامەکەی بە بۆنەی کۆچی دوایی بابە شێخ ڕابەری ڕۆحی ئێزدییەکان : ئەو وەکو کۆکەرەوەی جڤاکەکەی لەساتی بێهیوایی یادی دەکرێتەوە

بەغدا، ٢ی تشرینی یەکەمی ٢٠٢٠ – نێردەی نەتەوە یەکگرتووەکان بۆ هاریکاری عێراق خەمبارە بە کۆچی دوایی بابە شێخ ڕابەری ڕۆحی ئێزدییەکان لە عێراق و سەرتاپای جیهان . نێردەکە سەرەخۆشی لە چڤاکی ئێزدییان و خانەوادەی کۆچکردوو دەکات .

بابە شێخ (خرتۆ حاجی ئیسماعیل) کەسایەتییەکی کۆکەرەوەی جڤاکی ئێزدییەکان بوو ، کە لەساڵی ٢٠١٤ تەفرو تونا بوو ، داعش ژمارەیەکیانی سەربڕی و هەندیکیانی لاقە کرد و هەندێکیشی بە دیل گرت و وەکو کۆیلە و کەنیزەک فرۆشتنی.

ئەو لە ساتی بێهیواییدا ئێزدییەکانی کۆکردەوە، کاتێک ڕزگاربووان ماڵ و حاڵ و زێدی خۆیان جێهیشت و بەرەو چیای شەنگاڵ ڕایانکرد ، کە تا ئەمڕۆش هەندێکیان هەر بە ئاوارەیی لە وێن. بابەشێخ بە هۆی هەوڵە بەردەوام و ماندوونەناسەکانی لە پێناو ساڕێژکردنی زامەکانی جڤاکە گەمارۆدراوەکەی هەر لە یاد دا دەمێنێتەوە.

بەم بۆنەیەوە نوێنەری تایبەتیی سکرتێری گشتیی نەتەوە یەکگرتووەکان بۆ عێراق، خاتو جینین هێنیس-پلاسخارت وتی: "من شانازی ئەوەم هەبوو کە ساڵی ڕابردوو بە تەلەفون سەبارەت بە پرسی ئێزدییەکان قسەی لەگەڵدا بکەم و دەنگە نەرمەکەی بەرزبۆوە کاتێک باسی مەرگەساتی جڤاکەکەی کرد ، ئەمەش هەستێکی قووڵی لای من دروست کرد."

گیانی لە ئاشتیدا بگیرسێتەوە.

****************

بۆ زانیاریی زیاتر تكایه‌ په‌یوه‌ندی بكه‌ن به‌ به‌رپرسی نوسینگه‌ی راگه‌یاندن و ته‌بێژی (یونامی) به‌ڕێز سه‌میر غه‌تاس به‌ ئیمێلی ئەم ئیمەیڵە پارێزراوە لە سپام, پێویستە جاڤا سکریپت چالاک بکەیت بۆ بینینی. یان ئەم ئیمەیڵە پارێزراوە لە سپام, پێویستە جاڤا سکریپت چالاک بکەیت بۆ بینینی. یانیش به‌ ژماره‌ ته‌له‌فۆنی ٠٠٩٦٤٧٩٠١٩٣١٢٨١

© 2020 United Nations Iraq. هەموو مافەکانى پارێزراوە.