سێ شەممە, 28 ئایار 2019 12:37

نۆژەنکردنەوە و چاکردنەوەی قەڵای کەرکوک هێمایەکە بۆ بوژاندنەوە و هەستانەوەی پارێزگاکە لە دوای کۆتایهێنانی ململانێ گرنگ

نووسراوە لەلایەن: 

کەرکوک، عیراق ، 28 ئایار 2019 - رۆژی 22 ی ئایار ، شاندنێکی پشکنینی یونیسکۆ سەردانی قەڵای کەرکوکی کرد و ئامادەیی خۆی نیشاندا بۆ پشتیگیریکردنی حکومەتی عێراق بۆ نۆژەنکردنەوە و چاکردنەوەی ئەو شوێنەوارە وەکو هێمایەک بۆ هەلسانەوە.

نووسینگەی هەماهەنگی گەشەپێدانی سەر بە یونامی ئاسانکاری بۆ ئەم سەردانە کرد و ، بەڕێز پاولۆ فۆنتانی، نوێنەری یونیسکۆ لە عێراق سەرۆکایەتی تیمەکەی دەکرد کە تەلارسازێکیشی تێدا بوو بەرپرسە لە بوونیاتنانەوەی شوێنەوارە کەلتورییەکانی موسڵ هەروەها نوێنەرانی یونامی لە نووسینگەی هەرێمی کەرکوک بەشداریان لە سەردانەکە کرد .

هەروەها شاندەکەی یونیسکۆ لەگەڵ پاریزگاری کەرکوک بە وەکالەت کۆبۆوە و هەردوو لا جەختیان کردەوە کە وا نۆژەنکردنەوە و چاکردنەوەی قەڵاکە بە تەواوی دەبێتە هێمایەک بۆ بووژاندنەوەی کەرکوک و چەندین دەرفەتی کار بۆ پیشەگەران و دەسترەنگینان و کرێکارانی بیناسازی دەرەخسێنێ و برەویش دەدات بە گەشت و گوزار و سەردانیکردنی مەزارە ئاینییەکان.

ڕێکخراوی یونیسکۆ ئامادەیی خۆی نیشاندا بۆ پشتیگیریکردنی حکومەتی عێراق بۆ نۆژەنکردنەوە و چاکردنەوەی قەڵای کەرکوک بۆ گەڕاندنەوەی شکۆی ڕابردووی هەروەک قەڵای هەولێر . لە کۆتاییشدا بەڕیوەبەری شوێنەوار کورتەیەکی دەربارەی لێکۆڵینەوە تازەکان و ماستەر پلانی نۆژەنکردنەوە و چاکردنەوەی قەڵای کەرکوک کە لە لایەن حکومەتی خۆجێیی شارەکە لە ساڵی 2012 دا ئامەدە کرا بوو ، پێشکەش بە شاندی یونیسکۆ کرد .

 

ئه‌لبوومي وێنه‌كان

 

 

زانیاری زیاتر

  • Agency: UNAMI

© 2019 United Nations Iraq. هەموو مافەکانى پارێزراوە.